မကြွေသင့်လျက်ကြွေ၊ မဝေသင့်လျက်ဝေ

ယနေ့ လက်ရှိ နိုင်ငံတော်အကြီးအကဲ ၊ တပ်မတော်ခေါင်းဆောင် များရဲ့ မှားယွင်းသောမူဝါဒတို့ကြောင့်တပ်မတော်အတွင်း၌ပင် ကြွေလွင့်သွားရသည့် နှမြောဖွယ်ကောင်းသော တပ်မတော်သားတွေဟာ တိုင်းပြည်အတွက်ကော ၊ တပ်မတော်အတွက်ပါ လွန်စွာမှနှမြောဖို့ကောင်းပါတယ်။ ကျွန်တော် လက်လှမ်းမှီသလောက် ပြောရရင် ပထမဦးစွာ စစ်တက္ကသိုလ် တွင်တရားဝင်အမိန့်စာမ၀င်သော်လည်း(၀င်ရင်လည်းဝင်ပါမည်)နည်းပြများ မှ ဗိုလ်လောင်းများသို့ ပြောနေကျစကားတို့တွင် ကျွန်တော်တို့ စစ်တက္ကသိုလ်တက်သော အချိန်၌ ထပ်တလဲလဲ ကြားခဲ့ရသည့် စကားတစ်ခွန်းရှိပါသည်။၎င်းစကားမှာ- “ M.Sc မပါရင် တပ်ရင်းမှုးမပေးဘူး Ph.D မရရင် တိုင်းမှုး၊ တပ်မမှုး မထွက်ဘူး ” ဖြစ်ပါသည်။ ၎င်းပြောစကား မှန်သော်ရှိ မှားသော်ရှိ အကျိုး အပြစ်တို့ ကိုဝေဖန်ထောက်ရှု ရသော်............
၁။ အကျိုး
(က) ဗိုလ်လောင်းများအနေဖြင့် စာပေကို ပိုမိုကြိုးစားလိုစိတ်ရှိလာပြီး စာပေတတ်မြောက်သော အတွေးအခေါ်ရင့်သန်သော အရာရှိများ ပေါ်ထွက်လာခြင်း။
၎င်းကြောင့် တိုင်းပြည် နှင့် တပ်မတော် အတွက်အကျိုး ရှိပါသည်။
(ခ) စာပေ၏ သဘောသဘာဝ အရ လေ့လာရင်းလေ့လာရင်း ဆက်လက်လေ့လာ ချင်သော စိတ်ဆန္ဒအရ အသိပညာ ဗဟုသုတ နှင့် အတတ်ပညာ တိုးပွါးစေ
ပြီး နှလုံးရည်နှင့် ပြည့်စုံသော အရာရှိ ခေါင်းဆောင်ငယ်များ တိုးပွါးလာစေနိုင်ပါသည်။
၂။ အပြစ်
(က) အထက်ဖော်ပြပါ စကားအရ မဟာဘွဲ့ မရရင်ဖြင့် “ ငါ့ဘ၀ ကတော့ တက်လမ်းမရှိတော့ဟုထင်ကာ” ဘ၀ကိုရေဆုန်မျောလိုက်ပြီး ဘာကိုမှ လေးလေးနက်နက်
မတွေးတော့တဲ့ အရာရှိများ ရှိလာပါသည်။
(ခ) ဘ၀အတွက် မျှော်လင့်ချက်မရှိတော့ သောလုပ်ငန်းအပေါ် တာဝန်ယူမှု ၊ သစ္စာရှိမှု မရှိတော့ သောအရာရှိများ တိုးပွါးလာပါသည်။
(ဂ) ရာထူးမှ မရရင် ရတာယူမယ်ဆိုပြီး လမ်းလွဲသို့ ရောက်သွားသော ကိုယ်ကျိုးရှာ သမားများ ရှိလာပါသည်။
(ဃ) ကြိုးစားလို့ လဲထူးတော့ မှာမှမဟုတ်တာ ဆိုသည့် ၂၀၊ ၂၁ နှစ် ကတည်းက ဘ၀ဆုံးပြီထင်ကာ မထူးဇာတ်ခင်းသည့် သူများ တိုးပွါးလာပါသည်။
(င) အရာရှိငယ်အချင်းချင်းတွင် စိတ်ဝမ်းကွဲလာခြင်း(ဥပမာ- တစ်ယောက်နှင့်တစ်ယောက် စိတ်အခန့်မသင့် လျှင် အေးပေါ့ ကွာမင်းက မာစတာ ပါတာကိုး ၊
မင်းက မာစတာတောင်မပါပဲနဲ့ စသဖြင့် ခနဲ့စရာ(သို့) လက်နက်သဖွယ် အသုံးပြုလာကြပါသည်။)
ဒါတွေကို ကြည့်ရင် အကျိုး ထက် အပြစ် ကပိုများနေတာကို တွေ့ကြရပါသည်။ လက်ရှိ တပ်မတော်ထဲ မှ အရာရှိငယ်များကြား ၎င်းခံစားချက်များ ကြီးစိုးနေသည့်ကြား အချို့သောတပ်ရင်းမှူးများ၏ တာဝန်မဲ့ သောအောက်ပါ စကားရပ်ကြောင့် လည်းအခြေအနေ မှာဆိုးသထက်ဆိုး လာရပါသည်။တပ်ရင်းမှူးများလက်ကိုင်ထားသောစကားလုံးမှာ-
“ မင်းတို့ရဲ့ ရာထူးတက်ရေး မတက်ရေး က ငါ့အပေါ်မှာ အများကြီးဆိုင်တယ်.......ငါ့ မှတ်ချက်တစ်ခုက ဘာဖြစ်သွားမယ်ထင်လဲ...”
ပင်ဖြစ်ပါသည်။တပ်မတော်အရာရှိ တစ်ယောက်အနေဖြင့် ထောက်-၄ အစီအရင်ခံစာအရ မိမိရာထူးတိုးတက်ရေးသည် မိမိ အထက်တပ်မှူးနှင့် များစွာသက်ဆိုင်ကြောင်း သိရှိနားလည်ပြီး ဖြစ်ပါသည်။အခြေအနေအရ အနီးကပ် အုပ်ချုပ်ရသည့် တပ်မှူးများမှာမိမိလက်အောက်ရှိ အရာရှိအကြောင်းကို ပိုမို သိရှိနိုင်သောကြောင့် ယခုကဲ့သို့ တပ်ရင်းမှူးများ၏ ထောက်-၄ အစီအရင် ခံစာကို အခြေခံပြီး ရာထူးပေးရေးမပေးရေး ကိုစဉ်းစားခြင်းဖြစ်ပါသည်။သို့သော် တပ်မှူးကောင်းသဖွယ် လက်အောက်ငယ်သားအပေါ်ပြုကျင့်ရမည့် ကျင့်ဝတ်ကို စောင့်ထိန်းလိုက်နာခြင်း မရှိဘဲ ရာထူးအာဏာကိုအကြောင်းပြုပြီး တပည့်မွေးခြင်းများလည်း ဖြစ်ပေါ်နေပါသည်။ဒီလို အခြေအနေမျိုးတွေနဲ့ ကြုံတွေ့ကြရတဲ့ အခါမှာတော့ အရာရှိငယ်တွေ ဟာဘာတွေဖြစ်လာသလဲ ဆိုတော့ ထွက်ပေါက်ရှာပြီး ပျော်ပါးမှုတွေ၊ ကုလားမနိုင် ရခိုင်မဲ ကာ လက်အောက်ကိုအနိုင်ကျင့်မှုများ နဲ့ ပြည်သူတွေကို မတရားညှင်းပန်းမှုတွေ ဖြစ်ပေါ်လာပြီး တပ်တွင်းအထက်အောက်ပြဿနာများ ဖြစ်ပေါ်လာရပေသည်။
တစ်ခုစဉ်းစားစရာရှိသည်က လက်ရှိအုပ်ချုပ်နေသော ခေါင်းဆောင်များအနေဖြင့် ဤအချက်ကို မသိသေး၍ပဲလား၊ သတိမထားမိတာလား သို့တည်းမဟုတ် တပ်မတော်တွင်း သော်လည်းကောင်း တပ်မတော် နှင့် ပြည်သူသွေးကွဲအောင် ပင်တမင် အကွက်ချ၍ စီစဉ်ခြင်းလော ဆိုတာကိုတော့ ဖြင့် ကာယကာရှင်ဗိုလ်ချုပ်များသာ အသိဆုံး ဖြစ်ပါမည်။ထို့ပြင် နိုင်ငံတော်တွင်းဖြစ်ပေါ်ခဲ့သော အချို့နိုင်ငံရေးပြဿနာများသည်လည်း နိုင်ငံရေးနည်းဖြင့် ဖြေရှင်းရမည့်အစား မလိုအပ်ဘဲ တပ်ကိုအသုံးချ ဖြိုခွင်းခဲ့သည့် ကိစ္စများသည်လည်း စဉ်းစားရမည့် အချက်ပင်။
ထိုပြဿနာများ ဖြစ်ပေါ်လာသောအခါ အမှန်တကယ် တိုင်းပြည်ချစ်၍ တပ်မတော်သို့ဝင်လာသော စစ်သည်များမှာ စိတ်ဓာတ်ကျဆင်းမှု များဖြစ်ပေါ်ကာ တပ်မတော်အပေါ် စိတ်ကုန်သော်လည်း ဘ၀အတွက်အပြင်တွင် အာမခံချက်မရှိသဖြင့် သာဆက်လက်နေထိုင်နေကြရသည့် အနေအထားသာရှိတော့သည်။စစ်တက္ကသိုလ်ကျောင်းဆင်းများပင် ကျောင်းဆင်းဆင်းချင်း ဘ၀သေသည့် အနေအထားသို့ရောက်လျက်ရှိပါသည်။လက်တွေ့တွင် အညွန့်တလူလူနှင့် ဖြစ်နေရမည့် အစား ၊ တောက်ပနေရမည့်အစား အရာရှိငယ်များမှာ ပျက်ဆီးခြင်းလမ်းကြောင်းအစသို့ရောက်ပြီး ၎င်းလမ်းမှားများအတွက် ပြောခံလိုက်ကြရသည်မှာလည်း ရစရာမရှိ........လက်တလော ကိစ္စအရပြောသူကလည်းမှန်နေပြန်တော့လည်း ဘာမှပြန်ပြော၍ မရ။ ပြဿနာတစ်ရပ်ကိုခရေစေ့တွင်းကျ စိစစ်၍ so what? ဒီတော့ဘာဖြစ်လဲ...ဆိုသော မေးခွန်းများဖြင့် အပြန်အလှန်စိစစ်သော် “ M.Sc မပါရင် တပ်ရင်းမှုးမပေးဘူး Ph.D မရရင် တိုင်းမှုး၊ တပ်မမှုး မထွက်ဘူး ” ဆိုသည့် စကားပေါ်တွင် ရာနှုန်းပြည့်နီးပါးတည်မှီနေပါသည်။
ထို့ပြင် ကြိုးစားလျှင် ကြိုးစားသလောက် မ်ိမိဘ၀အတွက် အခွင့်အရေးတွေရနေကြတဲ့ ဒီခေတ်ထဲမှာ သူတို့ပေးမှ ရကြရတဲ့အခွင့်အရေးတွေကြောင့် ဂါရ၀ ဆိုတာထက် ဖော်လန်ဖား တွေကပိုတိုးပွါးလို့လာကြရတဲ့အပြင် အရာရာဟာ သူတို့ ခွင့်ပြုမှရတယ် ဆိုသည့် အကြောက်တရားများကလည်း လွှမ်းမိုးလို့နေပါတယ်။ဒါဟာလည်း တိုင်းပြည် ၊ တပ်မတော် နဲ့ လူမျိုးကို အညွှန့်တုံး ပျက်ဆီးစေတဲ့ အချက်ပါပဲ။လူတော်လူတတ်တွေကို(ပညာတတ်တွေကို) နှိပ်ကွပ်တာဟာ ဘယ်လောက်ပီပြင် တယ် မပီပြင်ဘူးဆိုတာကတော့ တပ်မတော်တွင်းမှာကိုပဲ ဆိုရိုးစကားသဖွယ် ခေတ်စား(ရေပန်းစား)နေတာကတော့ ..... စစ်တပ်မှာ တော်( ၅ ) တော်ရှိပါတယ်....အဲဒါတွေကတော့.........
(၁) ကိုယ့်အဖေ တော်ရမည်
(၂) ကိုယ့်ယောက္ခမ တော်ရမည်
(၃) ကိုယ့်ဆရာ တော်ရမည်
(၄) ကိုယ့်မိန်းမ တော်ရမည်
(၅) ကိုယ်ကိုယ်တိုင် တော်ရမည်....ဆိုတာပါပဲ။
အဲဒီတော်( ၅ )တော်ကို အဆင့် က၊ ခ၊ ဂ ဆိုပြီးခွဲမယ်ဆိုရင် ၁ နဲ့ ၂ က (က)၊ ၃ နဲ့ ၄ က (ခ)ဖြစ်ပြီး ၅ကတော့ (ဂ)ဖြစ်ပါတယ်။ လက်ရှိတပ်မတော်ထဲမှာကလည်း ဒီအတိုင်း ကိုဖြစ်နေတာပါ။ ငါ့အဖေက ဘာ ၊ ငါ့ယောက္ခမက ဘာ ဆိုတာတွေက ပိုပြီးနေရာရကြပါတယ်။ ဒီနောက်မှာမှ ငါ့ဆရာက ဘယ်သူ၊ မိန်းမက ဘယ်လိုဝင်ဆံ့တယ်(ပေါက်ရောက်တယ်) ဆိုတာတွေက နေရာရကြပါတယ်။ ဒီထဲမှာ သနားစရာအကောင်းဆုံးကတော့ ကိုယ်တိုင်တော်တဲ့ ပုဂ္ဂိုလ်တွေပါ။
ဒီကောင်လေးတော်ရှာပါတယ် ဒါလေးတော့ ပေးလိုက်ပါ၊ ဒီနေရာလေး ဒီရာထူးလေးတော့ ပေးလိုက်ပါဆိုတာမျိုးပါ။ ဒါတောင် သာမန်တော်ရုံတော့ မရပါဘူး။ တော်သကတော်ထဲမှာမှ တော်တော်ကို တော်မှရတာပါ။တချို့များဆို “ငါတော့ လူကြီးမဖြစ်ချင်ဘူး လူကြီးဖြစ်ဖို့ဆို လေ့လာကြိုးစားနေရဦးမှာ ဒါတောင်မသေချာဘူး ၊ လူကြီး သား၊ သမီး ပဲလုပ်ချင်တယ်” ဆိုပြီးပြောကြပါတယ်။စဉ်းစားသာကြည့်ပေတော့။ဒီလိုနဲ့ ဆရာမွေး၊ တပည့်မွေး တဲ့ပြဿနာတွေကလည်း ကြီးထွားလို့လာ ပါတယ်၊ ပတ်သက်ရာပတ်သက်ကြောင်းဆိုတာတွေကလည်း ရှိနေပါသေးတယ်။ ဒါတွေဟာ ကြိုးစားပြီး အရာရာကိုစူးစမ်းလေ့လာလို တဲ့ လူတွေရဲ့ စိတ်နဲ့ တိုးတက်အောင်ဖန်တီးလိုတဲ့ စိတ်ကို သတ်ပစ်ရာရောက်ပြီး အချောင်ခိုချင်တဲ့ စိတ်တွေကြီးမြင့် လာစေတဲ့ အချက်တွေထဲက တစ်ချက်အပါအ၀င် ဖြစ်ပါတယ်။
ပြီးတော့ ကြိုးစားချင်စိတ်ကိုဖျက်ဆီးရာရောက်ပါတယ်။ ကျွန်တော့် တပည့်တစ်ယောက်နဲ့ စကားပြောရင်း ကျွန်တော်က“လူဆိုတာအမြဲလေ့လာဆည်းပူးနေရတယ်၊ ဘယ်တော့မှ ပြည့်ဝတယ်လို့မရှိဘူးဆိုတော့ ” ၊ ကျွန်တော့် တပည့် ရဲဘော်လေးက“ ဗိုလ်ကြီးတို့ကတော့ ဟုတ်တာပေါ့ ဗိုလ်ကြီးတို့မှာကမျှော်လင့်ချက်တွေကိုအကောင်အထည်ဖော်လို့ရတယ်၊ ဒီတော့ မျှော်လင့် လို့ရတာပေါ့ ကျွန်တော်တို့မှာက ဘာမျှော်လင့်ချက်မှထားလို့မရဘူး” ဆိုပြီးပြန်ပြောတော့ ကျွန်တော်က “ဟ..မင်းကိုဘယ်သူပြောလဲ မျှော်လင့်ချက် မရှိဘူးလို့၊ မင်းလည်း တပ်ဖွဲ့တွင်းသင်တန်းမှာကြိုးစား၊ ဒါမှမဟုတ် တပ်မတော်ပညာရေးကျောင်း ကနေ(၁၀) တန်းအောင်အောင်ကြိုးစား ပြီးရင် ဗိုလ်သင်တန်းလျှောက်၊ ဘာမျှော်လင့် ချက်မဲ့စရာရှိလဲ မင်းအသက်လည်း မှီသေးတာပဲ၊ ဒီလိုမှ မဟုတ်ရင် ပစ်/ထောက် မှာတကယ်တတ်အောင်လုပ် ပညာသည်အုပ်စုမှာပါအောင်ကြိုးစား ၊ ရာထူးတွေဘာတွေက အသာထား မင်းသာတကယ်တတ်ရင် သိရင် မင်းအတွက် နေရာရှိပြီးသားပါ” လို့ပြောတော့
“ဗိုလ်ကြီးပြောသလိုကတော့ ဟုတ်ပါတယ်၊ ဒါပေမယ့် ဒီသင်တန်းတွေ ကျောင်းတွေက လူတိုင်းတက်ရတာမှ မဟုတ်တာ၊ တပ်ရင်းမှုးက ပေးတက်ဦးမှ ပြီးတော့ သင်တန်းတက်ရင်ပိုက်ဆံကကုန်ဦးမှာ ရတဲ့ လစာနဲ့ဘယ်လိုလုပ်ရမှာလဲ” ဆိုတဲ့ အဖြေကို ကြားတော့ “ အေးကွာ တတ်နိုင်သလောက်ကြိုးစားပေါ့ စောစောက ကိုယ်ပြောသလိုပဲ ကြိုးစားတဲ့ သူအတွက်ကတော့ နေရာတစ်နေရာ ရှိပြီးသားပါ၊ လိုအပ်တဲ့ အကူအညီလိုလဲ ပြောပေါ့ ကိုယ်တတ်နိုင်သလောက်တော့ဖြည့်ဆည်းပေးပါ့မယ်” လို့ပဲဖြေခဲ့နိုင်တယ်။ကျွန်တော်ပဲ မဖြေရှင်းပေးနိုင်လို့လား၊ တပ်မတော်ကိုက ဒီလိုပဲ စနစ်တကျနဲ့ ပျက်ဆီးနေတာလား မဝေခွဲတတ်တော့ပါ။
ဒီတော့ ယနေ့မျှော်လင့်ချက်ကင်းမဲ့နေတဲ့ တပ်မတော်မှာ ဘယ်သူမှ စစ်မှုမထမ်းချင်တာ သူတို့အမှားမဟုတ်ပါ။ ထို့နည်းတူစွာစစ်တပ်ကိုပြည်သူကမုန်းနေသည်မှာလည်း ပြည်သူမလွန်ပါ။ လက်အောက်ကိုတာဝန် မယူပဲ ကိုယ်ကျိုးရှာနေကြ သောခေါင်းဆောင်ကြီးများ၏ ခေါင်းဆောင်မှု ညံ့ဖျင်းမှု ကြောင့်သော်လည်းကောင်း၊ တိုင်းပြည်တိုးတက်ကြီးပွါးရေးထက် မိမိ မိသားစု၊ ဆွေမျိုး ကြီးပွါးရေးကိုသာရှေးရှုနေသော အစိုးရခေါင်းဆောင်များ၏ အုပ်ချုပ်မှု ညံ့ဖျင်းမှု တို့ကြောင့်ပင်ဖြစ်ပေသည်။ထို့ကြောင့် ခေါင်းဆောင်တို့၏ ညံ့ဖျင်းမှုကြောင့် မကြွေသင့်ဘဲကြွေ၊ မဝေသင့်လျက်ဝေ နေကြသော တပ်မတော်တွင်းမှ ကြွေလွင့်သူတို့၏ကိုယ်စား ကြုံတွေ့ခဲ့ ရသည်တို့ကို မျှဝေပေးလိုက်ပါတယ်။

ဆောင်းပါးရှင်။ ။ ဗိုလ်ရဲထက်(အဝေးရောက်)
ပြည်သူ့တပ်မတော်သား။