နိုင်ငံရေးပါတီအဖြစ် လျှောက်ထားသည့်ပါတီ (၁၁) ခု ရှိပြီ ဝီရ/ ၆ ဧပြီ ၂ဝ၁ဝ

ရွေးကောက်ပွဲဥပဒေ ထွက်ပေါ်လာပြီးနောက် နိုင်ငံရေးပါတီအဖြစ် အသိအမှတ်ပြုရန် ရွေးကောက်ပွဲ ကော်မရှင်ရုံးသို့ နိုင်ငံရေးပါတီ (၁၁) ခု လျှောက်ထားပြီးဖြစ်ကြောင်း သိရသည်။

နိုင်ငံရေးမှတ်ပုံတင်ခွင့်ပြုရန် ဧပြီလ (၅) ရက်နေ့က ကချင်ပြည်နယ် တိုးတက်ရေးပါတီနှင့် မြန်မာ့လူ့ဘောင်သစ် ဒီမိုကရက်တစ်ပါတီတို့ကလည်းကောင်း၊ ဧပြီလ (၂) ရက်နေ့က ပအိုဝ်းအမျိုးသားအဖွဲ့ချုပ်ကလည်းကောင်း၊ အလားတူ အခြားပါတီ (၈) ပါတီတို့ကလည်း အသီးသီးလျှောက်ထားပြီးဖြစ်ကြောင်း မြန်မာ့အလင်းသတင်းစာတွင် ဖော်ပြထားသည်။

၁၉၉၀ ခုနှစ်ကတည်းက တရားဝင်ရပ်တည်နေဆဲ နိုင်ငံရေးပါတီ (၁၀) ခုအနက် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က နိုင်ငံရေးပါတီအဖြစ် ပြန်လည်မှတ်ပုံတင်မည်မဟုတ်ကြောင်း ကြေညာထားပြီး တိုင်းရင်းသားစည်းလုံးညီညွတ်ရေးပါတီ (တစည) ကမူ လာမည့်ရွေးကောက်ပွဲ ဝင်ရောက်ယှဉ်ပြိုင်ရန် ပြန်လည်မှတ်ပုံတင်ထားသော တခုတည်းသောပါတီဖြစ်သည်။

ယနေ့တိုင် ရပ်တည်လျက်ရှိသော တရားဝင် နိုင်ငံရေးပါတီများအနေဖြင့် ရက်ပေါင်း (၆၀) အတွင်း ပြန်လည်လျှောက်ထားခြင်း မရှိပါက အလိုအလျောက် ပျက်ပြယ်မည်ဟု ပြီးခဲ့သည့် မတ်လ (၈) ရက်နေ့ထုတ် ၂၀၁၀ ရွေးကောက်ပွဲဆိုင်ရာ နိုင်ငံရေးပါတီများ မှတ်ပုံတင်ခြင်းဥပဒေတွင် ပြဋ္ဌာန်းထားသည်။

ရွေးကောက်ပွဲကော်မရှင်ရုံးသို့ ဦးအေးလွင် ဦးဆောင်သော ပြည်ထောင်စုမြန်မာနိုင်ငံအမျိုးသားနိုင်ငံရေးအဖွဲ့ချုပ်နှင့် ဦးရဲထွန်း ဦးဆောင်သော ၈၈ မျိုးဆက်ကျောင်းသားလူငယ်များ (ပြည်ထောင်စု မြန်မာနိုင်ငံ) တို့က ပထမဦးဆုံးအနေဖြင့် နိုင်ငံရေး မှတ်ပုံတင်ခွင့်ပြုရန် လျှောက်ထားကြပြီး အဆိုပါ နှစ်ပါတီစလုံးသည် နိုင်ငံတဝန်း စည်းရုံးရေးဆင်းမည့် ပါတီများဖြစ်သည်။

မှတ်ပုံတင်ခွင့်လျှောက်လွှာ တင်ထားပြီးသော တိုင်းရင်းသားပါတီများမှာ ဒေါက်တာ စောဆိုင်မွန်သာ ဦးဆောင်မည့် ကရင်ပြည်သူ့ပါတီ (ကေပီပီ)၊ ဦးအေးကြိုင် ဦးဆောင်မည့် ရခိုင်ပြည် အမျိုးသားနိုင်ငံရေးအင်အားစု၊ ကချင်ပြည် တိုးတက်ရေးပါတီ၊ ပအိုဝ်းအမျိုးသားအဖွဲ့ချုပ်တို့ပါဝင်ပြီး ဝါရင့် ရှမ်းတိုင်းရင်းသားခေါင်းဆောင် ဦးရွှေအုန်းက ၈၈ မျိုးဆက်ကျောင်းသား ဦးဖြိုးမင်းသိန်းတို့အဖွဲ့နှင့် ပေါင်းစည်းကာ ပြည်ထောင်စုဒီမိုကရေစီပါတီ အမည်ဖြင့် ဝင်ရောက်ယှဉ်ပြိုင်မည်ဖြစ်သည်။

ဦးသုဝေက “ဦးရွှေအုန်းတို့၊ ကိုအေးလွင်တို့နဲ့ အခြားလူငယ်အဖွဲ့တွေက ကြည့်ရတာ သူတို့လုပ်နိုင်အားကတော့ သိပ်မတွေ့ဘူး။ တကယ်လုပ်နိုင်တာက တစည ရှိမယ်။ နောက် ကြံ့ခိုင်ရေး ရှိမယ်။ ဒါ ကျနော့်အမြင်ပေါ့” ဟု မှတ်ပုံတင်ထားသော နိုင်ငံရေးပါတီများနှင့် ပတ်သက်၍ သုံးသပ်ပြောဆိုသည်။

ဦးသုဝေသည် ဒီမိုကရက်တစ်ပါတီ (မြန်မာပြည်) ကို ဝန်ကြီးဟောင်းသမီးများ ဖြစ်ကြသော ဒေါ်သန်းသန်းနု၊ ဒေါ်ချိုချိုကျော်ငြိမ်း၊ ဒေါ်နေရည်ဗဆွေတို့၏ ဦးဆောင်မှုတို့ဖြင့် ၂၀၁၀ ရွေးကောက်ပွဲဝင်ရန် ဖွဲ့စည်းတည်ထောင်ထားသူ ဖြစ်သည်။

“ကျနော်တို့ပါတီက အရင်က မြို့နယ် (၂၀၀) ကျော်မှာ ဝင်ပြိုင်ဖို့ လျာထားပေမယ့် နောက်ပိုင်း မြို့နယ် (၁၀၀) ထဲမှာပဲ ပြိုင်ဖို့ ဆုံးဖြတ်ထားတယ်” ဟု ဦးသုဝေက ပြောကြားသည်။

နိုင်ငံရေးပါတီ မှတ်ပုံတင်ခြင်း နည်းဥပဒေအရ နိုင်ငံရေးပါတီမှတ်ပုံတင်ကြေးအတွက် (၃) သိန်း၊ အမတ်လောင်းတဦးအတွက် (၅) သိန်း ပေးသွင်းရမည်ဖြစ်ပြီး ရွေးကောက်ပွဲတွင် ပါဝင်ယှဉ်ပြိုင်မည့် လွှတ်တော်ကိုယ်စားလှယ်လောင်းတဦးလျှင် အသုံးစရိတ်အတွက် ကျပ်သိန်းတရာအထိ သုံးစွဲနိုင်ကြောင်း ပြဋ္ဌာန်းထားသည်။

မှတ်ပုံတင်ရန် စိုင်းပြင်းနေသော နိုင်ငံရေးပါတီများမှာ ဦးတင်မောင်အေး၏ မတူကွဲပြားခြင်းနှင့် ငြိမ်းချမ်းရေးပါတီ၊ ဦးထွန်းအောင်ကျော်၏ ခေတ်သစ်ပြည်သူ့ပါတီ၊ လူထုဒီမိုကရေစီပါတီ၊ ဝံသာနု အန်အယ်လ်ဒီ (မန္တလေးတိုင်း)၊ ဒီမိုအန်အယ်လ်ဒီ (စစ်ကိုင်းတိုင်း) နှင့် အမျိုးသားစည်းလုံးညီညွတ်ရေးအင်အားစု၊ ယူနိက်တက် ဒီမိုကရက်တစ်ပါတီတို့ ဖြစ်ကြသည်။

တိုင်းရင်းသားဒေသများတွင် ကရင်ပြည်နယ်ကိုယ်စားပြုပါတီ အသစ်တရပ်အဖြစ်လည်းကောင်း၊ ရိုဟင်ဂျာတို့အား ကိုယ်စားပြုမည့် နိုင်ငံရေးပါတီတခုအဖြစ်လည်းကောင်း ပေါ်ထွက်လာနိုင်ကြောင်း လေ့လာသူတို့က ပြောဆိုနေကြသည်။

မြန်မာစစ်အစိုးရက ကျောထောက်နောက်ခံပြုထားသော ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းက နိုင်ငံရေးပါတီ (၁) ခုထက်မနည်း ဖွဲ့စည်းသွားရန်ရှိကြောင်း သိရသည်။

ပါတီမှတ်ပုံတင်ခွင့် လျှောက်ထားပြီးသော အဖွဲ့များ
(၁) ဒီမိုကရက်တစ်ပါတီ (မြန်မာပြည်)
(၂) ပြည်ထောင်စု မြန်မာနိုင်ငံ အမျိုးသားနိုင်ငံရေးအဖွဲ့ချုပ်
(၃) အမျိုးသားနိုင်ငံရေးမဟာမိတ်များအဖွဲ့
(၄) တိုင်းရင်းသားစည်းလုံးညီညွတ်ရေးပါတီ (တစည)
(၅) ၈၈ မျိုးဆက်ကျောင်းသားလူငယ်များ (ပြည်ထောင်စု မြန်မာနိုင်ငံ)
(၆) ကရင်ပြည်သူ့ပါတီ (ကေပီပီ)
(၇) ရခိုင်ပြည် အမျိုးသားနိုင်ငံရေး အင်အားစု
(၈) ပြည်ထောင်စု ဒီမိုကရေစီပါတီ
(၉) ပအိုဝ်းအမျိုးသားအဖွဲ့ချုပ် (ပီအန်အို)
(၁၀) ကချင်ပြည်နယ် တိုးတက်ရေးပါတီ
(၁၁) မြန်မာ့လူ့ဘောင်သစ် ဒီမိုကရက်တစ်ပါတီ

နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့ (နဝတ) ဥပဒေ အမှတ်(၄/၈၈) အရ တည်ရှိနေသော
နိုင်ငံရေးပါတီ (၁၀) ခု
(၁) အမျိုးသားဒီမိုကရေစီအဖွဲ့ချုပ် (အန်အယ်လ်ဒီ)
(၂) တိုင်းရင်းသားစည်းလုံးညီညွတ်ရေးပါတီ (တစည)
(၃) ရှမ်းတိုင်းရင်းသားများ ဒီမိုကရေစီအဖွဲ့ချုပ် (အက်စ်အန်အယ်လ်ဒီ)
(၄) ပြည်ထောင်စု ပအိုဝ်းအမျိုးသားများအဖွဲ့ချုပ် (ယူပီအန်အို)
(၅) ကိုးကန့်ဒီမိုကရက်တစ်ပါတီ (ရှမ်းပြည်)
(၆) မြို ခေါ် ခမီအမျိုးသားညီညွတ်ရေးအဖွဲ့ (မခမညဖ)
(၇) လားဟူအမျိုးသားဖွံ့ဖြိုးတိုးတက်ရေးပါတီ (အယ်လ်အန်ဒီပီ)
(၈) ပြည်ထောင်စု ကရင်အမျိုးသားများအဖွဲ့ချုပ် (ယူကေအယ်လ်)
(၉) ကိုးကန့်ဒီမိုကရေစီနှင့် ညီညွတ်ရေးပါတီ (ကေဒီယူပီ)
(၁၀) ဝအမျိုးသားဖွံ့ဖြိုးတိုးတက်ရေးပါတီ (ဒဗလျူအန်ဒီပီ)

http://www.khitpyaingnews.org/news/April2010/6410a.php မှကူးယူဖော်ပြသည် ။